Влашка тура

ВЛАШКА ТУРА

Влашка тура– FEEL TRADITION се организира за 10 – 12 лица, со посета на објекти од традиционалната влашка култура. Почнува од 10.00 часот пред столбот на Крушевската Република. Посета на музејот на Никола Мартиноски и галеријата на влашки носии, Посета на влашката црква Св. Јован каде се наоѓа галеријата на икони од 17-ти век, Попатно застанување кај маалска чешма БУША, Посета на традиционална крушевска куќа – кафе, локум – Куќата на Пренда, Посета на леарницата – куќата на Вана Лапе, Посета на гробот на Питу Гули, Посета на гробното место на Тоше Проески, Посета на споменикот Илинден, Пешачење до Крушевското езеро, Посета на бачило.

Закуска на бачило или во крушевска влашка куќа (во зависност од временските услови) влашка погача, симитчиња, козјо сирење на плотна, овчо кисело млеко, ракија, ребра од фурна, компири на жар, печена тиква. Во цената на турата се вклучени: влез во музеи, кафе, традиционален ручек и водич. Турата се изведува исклучително со лиценциран локален туристички водич. Времетраење на турата е 5 часа. Турата е пешачка и спаѓа во категорија – лесна тура. Цена 15 евра, со 15% попуст за рана уплата и за групна уплата.

Резервации на: contact@feelkrusevo.com

Share on:

Што посетуваат амбасадорите од целиот свет во Крушево?

Што посетуваат амбасадорите од целиот свет во Крушево?

Крушево го посетиле многу Амбасадори кои претставуваат земји од Европа и Светот. Во изминатите неколку година тука дошле амбасадори на Чешка, Швајцарија, Кина, Јапонија, Унгарија, Програмата за развој на Обединетите Нации, ЕУ, Крушево го посетиле и претставници од Стејт департментот и многу друго.

Нивниот престој во Крушево е краток и во организацијата на ангендата мора да се размислува како најефикасно да се искористи краткиот период.

Што најчесто посетуваат амбасадорите во Крушево?

Споменик Илинден

Споменикот „Илинден“ е објект кој не смее да се одмине и амбасадорите не го одминуваат без оглед на тоа колку време имаат. Овој архитектонски уникат кој изложен во Музејот на современа уметност во САД, е дел од агендата сите посетители.

Галерија Никола Мартиноски

Најпознатото дело на Никола Мартиноски – „Мајка со дете“ изложено во галеријата

Крушевчанецот Никола Мартиноски е основоположник на македонската уметност. Тој е познат надвор од границите и затоа е привлечно место за посета. Речиси сите амбасадори ја посетиле галеријата Никола Мартиноски.

Полетувалиште за параглајдинг

Крушево станува една од најатрактивните светски дестинации за параглајдерство и змајарство. Скоја година од април до октомври на полетувалиштето се организираат десетици меѓународни натпревари. Ова е уште едно популарно место кое амбасадорите го посетуваат.

Овие 3 места не се единствените, но можеби се најпопуларни за сите туристи. Секако, амбасадорите кои го посетиле Крушево не ги одминале „Илинден“, галеријата на Никола Мартиноски и полетувалиштето за параглајдинг и змајарство. Посетете ги и вие!

Share on:

Еднодневна тура на ТВ 21 за Крушево

Еднодневна тура на ТВ 21 за Крушево

Телевизиската куќа ТВ 21 направи еднодневна тура на Крушево во која ја претстави зимската идила на градот, богатството што со себе го носи и ги слушна проблемите на граѓаните заедно со ставот на носителите на одлуки.

Емисијата се вика Урбан таг, а прилогот за Крушево е наречен Репортажа за Крушево: Град музеј и зимската идила.

Емисијата погледнете ја на следниот линк:

https://krusevo.mk/mk/blog/video-prilog-na-tv-21-za-krusevo

Share on:

ТУРИСТ ОД ОХРИД: Морам одново да се вратам во Крушево, чистиот воздух ви е најголемо богатство

ТУРИСТ ОД ОХРИД: Морам одново да се вратам во Крушево, чистиот воздух ви е најголемо богатство

Точно една недела од моето доаѓање во Крушево. Бевме заедно со мојата братучетка и со зетот иси поминавме преубаво. Само да ви кажам – Ви благодарам од срце на гостопримството. Ние си поминавме супер само ни фалеше снегот, но Крушево е убаво во секое време…

Најпрво бевме на манастир Свето Преображение. Не остави без здив. Се е добро осмислено и добро напредува. Иконостасот е толку жив. Секоја црква е убава но таму има нешто посебно… Се гледа дека се работи внимателно и вредно..В и благодарам на тоа… (не бевме единствено на крстот што ми е малку криво но ајде тоа за следниот пат)

Бевме и во Македониумот, бевме кај Тоше, таму не можевме да се доближиме поблиску поради градежните работи, но направивме еден круг. Драго ми е што конечно се осмелија да му го изградат вечното почивалиште кое веќе одамна требаше да е изграено… како и да е… ја посетивме и Спомен куќата ни се допадна многу, има топлина, љубов … носталгија….

И на крај отидовме во Скар. Храната беше на врв, топла и вкусна. Нарачавме две топени лути сирења и едно Крушевско грне, превкусно…се спријателивме со едно преслатко маченце таму кое не сакаше да се оддели од нас, а исто и јас би сакала да знам како се вика….

На заминување отидовме на Мечкин Камен, јас таму одам прв пат. И навистина ми е мило што ете го осетив тоа место лично и одблиску… И едно од најважните работи, љуѓе, имате пре, пре пречист воздух. Додека патувавме секаде беше магла-бело како се доближувавме до Крушево градовите назад останаа долу се ама се, буквално се беше бело, во Крушево си го измивме погледот и се ни се избистри. Не давајте никој да ви го земе тоа…

Ви Благодарам уште безброј пати на гостопримството…на се… Едвај чекам да се вратам.

За малку ќе заборавев. Имате превкусни колбаси, моето семејство ги бендиса многу на мое огромно задоволство. Нешто превкусно немам пробано, навистина. Ви благодарам и на тоа….. Ќе го заборавев езерото, имав огромна желба да го видам, зашто секогаш го гледав на интрнет и ми се допаѓа многу таму навистина, местото е како разгледница, не знам, барем јас го доживувам така….

До следното доаѓање, голем и срдечен поздрав од Охрид Среќен нека ви е утрешниот празник Водици за многу години Наташа.

Share on: