Коронавирусот и новата мода што ја создава

Пред некое време пишував за позитивните работи кои ги донесе коронавирусот, заклучувајќи дека сепак е направена голема штета на туризмот. Рестрикциите не’ поттикнаа на блискост, на сочувство и на разбирање. Во сета мака разбравме дека има одредени работи кои се вредни, но пред пандемијата не сме ги препознавале.

Да не ви прераскажувам прочитајте го текстот за кој што зборувам на линкот подолу.

Во овој текст ќе зборувам за уште позитивни работи кои се случуваат, а се во насока да придонесат кон туризмот на долги патеки и истовремено нас да не сменат во начинот на живот.

По олабавувањето на ограничувањата и рестартирањето на туристичката сезона голем дел од луѓето станаа љубители на природата, на домашните дестинации, на планинарењето, велосипедизмот, трчање полумаратони и слично. На лугето активниот одмор им стана алатка за вистински да се одморат и опуштат. Денес сите во викенд патуваме некаде каде што ќе можеме да ја восприемеме природата и да споделиме фотографии на социјалните мрежи за да покажеме дека имаме нова навика, ново хоби, а можеби и, генерално, нов начин на живот.

Во оваа група се ставам јас. Во велосипедот сум заљубен уште од дете, но волкава потреба за физичка активност во природа досега не сум почувствувал. Некако стана мода, некако стана потреба, некако стана нов тренд во сабота или недела да возиме точак, да се фотографираме од некоја локација длабоко во природата, да бидеме надвор што е можно подолго.

И, да! Навистина, станува мода да си физички активен. Оваа мода е убава. Нешто ново. Нешто што произлезе од еден злобен вирус со кој се’ уште не можеме да се справиме.

Денес во Крушево има најразлични активности кои се поврзани со природата. Јавање коњи, мото тури и други активности кои се надополнение на стандардните како планинарење и велосипедизам.

Можеме да заклучиме дека коронавирусот создаде многу позитивни навики за сите нас и имам впечаток дека тие навики ќе потраат. Дури и кога сето ова ќе заврши мислам дека ќе бидеме уште поактивни и ќе ја избираме оваа нова мода.

Share on:

ПОГЛЕДНЕТЕ Панорамски приказ на неколку локации на Крушево

Од веб порталот macedoniafromabove.mk подготвија нови 360 степени панорами од неколку локалитети на Крушево:

  • Поглед на градот,
  • Крушевско Езеро
  • Крст на Св. Преображение,
  • Скијачки центар Станич
  • Мечкин Камен,
  • Споменик Илинден,
  • Спомен куќа „Тодор Проески“,
  • Споменик Слива,
  • Полетувалиште за параглајдинг,
  • Црквите Св. Никола, Св. Преображение и Св. Богородица

Панорамите од овие локалитети погледнете ги на следниот линк.

Share on:

Секој слободен ден нова мото тура

Доцното лето е атрактивно за многу активности меѓу кои и мото турите. Нашите другари моторџии и денес се на разноликите предели на Крушево и ја истражуваат околината на мотор.

Денеска моторџиите се на пределот од скијачкиот центар Станич, кон крушевското село Острилци, манастирот во околината на с. Журче и се завршува преку Бирино до Мечкин Камен.

Денешната тура, која е во тек додека го пишуваме овој напис, е искористување на слободното време за ваква високо адреналинска активност. Тоа покажува дека Крушево е без малку совршена дестинација за активен одмор, за одмор со можности за ниско и високо адреналински активности.

Крушево е место каде што батериите можете да ги наполните преку мото тури, вело и планинарски, пешачење или возење четирицикл, параглајдинг и друго.

Крушево – твојата дестинација за активен одмор.

Share on:

Од срце за Тоше – на велосипед низ цела Македонија во чест на музичката ѕвезда

И оваа година Тиквешки точакџии од Кавадарци ќе возат до Крушево во често на Тоше Проески. Драган Јованов, Марјан Хаџи Мустафов, Марјан Кузманов, Џоке Милевски и Арол Гечев се јунаците кои ќе возат низ цела држава во времетраење од 5 дена за да пристигнат во Крушево.

Оваа година заради состојбата со коронавирусот возењето во чест на Тоше ќе биде само на територија на Македонија, а не како претходно од Нова Градишка.

Поаѓањето е во недела на 20-ти септември, а ќе финишира на 25-ти пред спомен куќата „Тоше Проески“.

На линкот подолу погледнете го најавното видео.

https://www.facebook.com/watch/?ref=search&v=650914472513712&external_log_id=11a04e9a-6d9c-44aa-a176-0a2621cab9bb&q=%D1%80%D1%82%D0%BA

Share on:
Викенд во Крушево

Викенд во Крушево

error

Уживате во нашиот сајт? Споделете да дознаат и другите. :)