Машина наспроти дрво, индустријализација наспроти природа – кој победува?

Често пати индустријализацијата, човечката рака преку машините што ги создала во желбата да си го разубави своето секојдневие навлегува длабоко и понекогаш ја злоупотребува природата. Онаа природа создадена од Виша сила која сите ја бараме. За да воздивнеме, да вдишеме и издишеме, да посакаме целиот живот да го поминеме во таа природа…

Фотографијата го симболизира судирот меѓу модерното време кое се’ повеќе е опкружено со бетон, високи згради и стеснет простор за природата. Често пати, природата ја губи бутката со машините. Во тој судир нема конечен победник, но сите ние имаме чувство како се повеќе ни’ фали природата која нос мир, тишина и духовно и физичко прочистување. Ни’ фали затоа што се повеќе живееме во простор каде што се што е природно го заменуваме со вештачко.

Туризмот во светски рамки се менува во насока кон природата. Туристите кои доаѓаат во Крушево сакаат да го почувствуваат природното и не сакаат да седат во затворен простор, туку се трудат целосно да ја восприемат природата кога се тука. Сакаат да пијат кафе под липите во центарот на градот додека листовите се лулаат низ воздухот. Сакаат да пробаат крушевско сирење, мед, локум… сите овие подготвени на природен начин. Сакаат да се оддалечат од реалноста во која нема природа и да се доближат до она изворното. Крушево тоа и го нуди.

Фотографијата погоре е симбол на судирот меѓу една машина и едно дрво. Машината навлегла на територија на природата, но дрвото, листовите, гранките и езерото не ја даваат своја територија така лесно, а се чини и ние туристите сме на страна на природното.

Фотографијата е и симбол на развојот на туризмот, каде што се’ повеќе преовладува чистиот воздух, зелената боја и природата во целина. Туристите се повеќе бараат места како Крушево отколку плажи и море.

Сотир Габелоски

Share on:

Град на историја, култура и традиција… и авантура

Крушево е град на историја, култура и традиција – ова е реченица која се почесто се користи меѓу крушевчани. На оваа реченица природно се додава и именката авантура за да добиеме совршена дестинација.

Крушево го има историското минато кое има голем туристички потенцијал. 5 од 6-те музеи во Крушево и бројните споменици се голема атракција за домашните и странските туристи на Крушево. Споменикот Илинден е најкарактеристичниот аспект од историско туристичката понуда која најмногу ги привлекува туристите.

Културата и традицијата на Крушево кои се состојат од специфичната храна, настаните кои ги одбележуваат корените на градот и крушевчани и традиционалните носии носат уште еден голем потенцијал. Туристите имаат причина плус да ги почувствуваат културата и традицијата со самиот влез на Крушево.

На крајот доаѓа авантурата, која во изминатите години се наметнува на културата, историјата и традицијата. Параглајдингот, планинарењето, велосипедизмот, кајак авантури и слично се една од алките кои сериозно ја збогатуваат понудата на Крушево.

Понудата на Крушево уште повеќе ќе се збогатува во иднината. Тоа е причина плус уште овој викенд да го посетите нашиот и ваш град.

Сотир Габелоски

Share on:

Како изгледа летото во Крушево?

Секое лето е посебна авантура во Крушево, особено изминатите години кога параглајдинг сезоната се проширува. Летотo трае барем 2-3 месеци подолго и затоа станува се повозбудливо, интересно и атрактивно.

http://weekendinkrusevo.com/?page_id=141

Првите групи на параглајдеристи пристигнуваат уште во април, а првите меѓународни натпревари започнуваат кон крајот на мај.

Првите попопуларни настани започнуваат во мај. Во овој месец се одржува фестивалот „Вечери во чест на Васил Иљоски“, а веќе од јуни Крушево има настани речиси секој викенд.

Јули е најжешкиот месец не само заради температурата, туку заради содржината. Тогаш се одржува „Крушево будно“, „Гитар фест“ и неколку параглајдинг натпревари. Градскиот парк е полн секој ден, локалните кафулиња, пицерии и ресторани се исполнети до последното место на пладне и во вечерните часови. Во Крушево владее пријатна атмосфера пропратена со мирис на добра храна и чист воздух.

Фестивал на храна и култура Taste Krusevo

Речиси секоја година во месец август се одржува или Светско или Европско првенство во параглајдинг или змајарство. Небото е исполнето со падобрани, а настанот Десет дена Крушевска Република е како шлаг на прекрасната крушевска торта. Тогаш се одржуваат и уникатни настани како Крушево низ корија со планинарски и велосипедски тури.

Сезоната продолжува и во септември со параглајдинг натпревари, одржување на настанот „Одбележување на 8-ми септември“ и еден од фестивалите со голем потенцијал Taste Krusevo.

paragliding krusevo

Октомври е месецот кога се одржуваат настани за Тоше и последните параглајдеристи ги завршуваат последните летови.

Летото трае подолго од порано и Крушево станува сезона за цела година. За брзо време Крушево ќе биде познато како дестинација за 4 сезони, а не како место кое има летна и зимска сезона. Крушево е вашата дестинација за ова лето.

Share on:

За Крушево

На изгрејсонце Крушево здогледано од подножјето на Баба Планина, блескоти како бисерче тукушто извадено од вода. Од најстарите времиња Прилеп му бил единствената врска со светот. А од подножјето има уште пет до шест километри. Со секој од нив надморската височина се зголемува за стотина метри, за да стигне до 1250. Град меѓу повисоките во светот, највисок на Балканот.

Сегашниот асфалтиран и широк пат е покус за километар-два од дамнешниот турски, најпрвин макадам, а потоа во коцки, но тесен за да не можат да се разминат две возила, ако оној што доаѓал одозгора не подзастанел на некоја ширинка.

Овде онде и денес се гледаат трагите од кривулестите серпентини. За нив пак останала легендата дека настанале за тоа што градителот бил пазарен за секој километар да добие товар злато. Алчен по златото тој го направил ем тесен ем кривулест.

Градот е поставен во пазувите на Баба Планина, токму како некакво бабино милениче, затскриено од ветриштата, од лошите погледи и натрапници. Под градот- полегнати облаци ,,Пелагониско море” .

Share on:
Викенд во Крушево

Викенд во Крушево

error

Уживате во нашиот сајт? Споделете да дознаат и другите. :)