Блог

Октомври е месецот на Тоше, научивме убава лекција

Октомври е месецот на Тоше во Крушево. Последниот концерт на 5-ти октомври и трагичната смрт на 16-ти октомври се одбележаа со концерт и традиционалниот маратон од Нова Градишка до Крушево.

Тоше живее со нас. Живее благодарение на овие настани, но и заради заложбата на неговите пријатели, фанови, поддржувачи и младите. Заслужни најмногу се оние млади кои го негуваат искрено споменот за Тоше и со срце отворено ги пречекуваат маратонците со рози.

Маратонците, пак, се херои. Херои се затоа што со доаѓањето во Крушево го носат духот на Тоше, предизвикуваат чувство на тага, но и среќа што вечно ќе го паметиме нашиот пејач, другар, човек со ангелски глас.

Да се вратиме на концертот. Организиран волонтерески. Неговите колеги настапија на сцената во Крушево и му ја исполнија желбата на Тоше тој да одржи свој концерт во неговото родно место. Тошевото име на денот на неговиот последен концерт донесе луѓе од цела држава, а гласот за овој настан се ширеше по природен пат, благодарение на неговата харизма која уште ја чувствуваме. Тоше навистина живее меѓу нас и затоа овие настани брзо доаѓаат до ушите на луѓето.

Овој месец октомври беше посебен за Крушево. Исполнет со овие два настани кои ни’ побудија чувства, го оживеаа споменот за Тоше и научивме убава лекција, а тоа е дека убавиот глас, добрината и позитивната енергија се шират брзо и никогаш не умираат.

Розите за Тоше тоа неделно пладне беа послани пред маратонците и тие физички се отстранија, но нивната трага ќе остане.

Тоше засекогаш!

Пример за готварство – СОУ „Наум Наумовски Борче“ домаќин на најголемите имиња во областа

Крушевското средно училиште, особено угостителско-туристичкиот дел, стануваат дел од и домаќини на се поголеми настани во областа на готварството.

На 5-ти октомври во СОУ „Наум Наумовски Борче“ се одржаа мастер класови од познати имиња од областа – Стево Карапанџа, Драгица Лукин, Изток Легат, Томаж Возељ, Вук Митровиќ, Жељко Невен Бренец и Ѓорѓе Костиќ.

Овие големи имиња од готварството од екс-Ју просторите се запознаа со учениците од „Наум Наумовски Борче“ и во времетраење од 3 часа ги претставија своите мали готварски тајни.

Овој настан е уште една потврда за професионализмот и успесите на средното училиште која се демонстрира и на многу државни и меѓународни натпревари. Дополнително, мајсторите во готварството споделија пофални зборови за подготвеноста, дисциплината и организацијата на настанот.

Настанот беше инициран од Националната асоцијација на готвачи „ГАСТРОМАК“, Андријана Алачки.

4 години Викенд во Крушево – кои се нашите планови?

Еве не’!!! 4 години заедно со вас, драги наши следбеници, поддржувачи на нашата работа и обожаватели 😜

Точно на денешниот ден славиме 4 години откако ја креиравме фејсбук страницата која денес е извор на прекрасни фотографии, корисни информации и заеднички восхит на Крушево. Крушево е она што не спојуваше изминатите 4 години со сите вас, а во наредните години веруваме дека ќе продолжиме да се дружиме.

Над 5 000 следбеници на социјалните мрежи и продолжуваме да растеме. Во 4 години вложивме труд, време и многу желба и сигурни сме дека го заслуживме вашето внимание и вашата поддршка. Останете со нас, да го одбележиме 5-от, 6-от, 7-от… 44-от роденден 😁

Во само 4 години успеавме да:

• Да надминеме бројка од над 6 000 следбеници на Facebook и Instagram комбинирано
• Да имлементираме еден проект за да овозможиме подобра промоција на Крушево
• Да создадеме врска со угостителите како што никој досега не создал и да служиме како линк меѓу нив и Вас
• Имлементиравме 5 иницијативи
• Доделивме 2 награди
• Создадовме неколку производи со нашиот бренд (пр. маски)

Во годините позади нас покажавме и општествена одговорност.

• Предводевме кампањи за поддршка на сместувачките капацитети
• Ги поддржувавме локалните ресторани, кафулиња и пицерии
• Имплементиравме иницијатива за подигнување на свеста за заштита од коронавирусот

Го креиравме и нашиот веб сајт преку кој овозможуваме дополнителна услуга за вас, драги наши.

Сакаме да продолжиме со уште поуспешна работа во периодот што следи. Затоа, по повод нашиот роденден сакаме да ве поканиме да ни испраќате ваши фотографии и текстови со цел да го одбележиме заеднички. Исто така, ги очекуваме и вашите предлози како да се подобри.

4 години ВИкенд во Крушево – Вашиот онлајн туристички водич