Интервјуа

Кико Филипоски ја сподели со нас приказната за неговите почетоци и успеси во музиката

Кире Филипоски (Кико), ни одговори на неколку наши прашања за неговата љубов кон музиката.

И него пред се’ го прашавме колку години има и со што се занимава моментално, па тој ни одговори: ,,Имам 26 години, моментално се занимавам со музика.”

Од кога се занимаваш со музика? – ,,Со музика се занимавам веќе 8 години.”

Следно, каква музика слушаш? – ,,Слушам секаков вид на музика, голем обожавател сум на поп-рок музиката, но го работам тоа што го бара публиката. “

Како следно прашање беше зошто се занимаваш со музика, па тој ни рече: Со музика се занимавам затоа што тоа е моето најголемо хоби, морам да кажам дека потекнувам од музичка фамилија и секако тоа ме исполнува.

Во кој бенд си моментално? – ,,Моментално сум во “ Кико и Коки “ бенд кој се состои од два члена, гитара и клавијатура. “

На прашањето, во кои други бендови си бил, ни одговори дека почетоците од кариерата ги започнал во бенд “ No Name “, за различни настани работел и со други бендови.

На нашето стандардно прашање дали има некои познати личности, странски или наши, кои служат како инспирација, или пак некој бенд можеби, како одговор следуваше: ,,Секако дека има, на прво место ми е нашиот легендарен и незаменлив пејач Тоше Проески, исто така обожавам да ги слушам и Здравко Чолиќ, Дино Мерлин, Џенан Лончаревиќ, Бјело дугме, Рибља Чорба и секако многу многу други ” …

Сакавме да ни каже нешто интересно за себе, па ни одговори: ,,Јас по природа сум скромна и срамежлива личност, љубител сум на природата, сакам мирни и тивки места. Најчесто после свирките си доаѓам во родниот град Крушево, каде што го пронаоѓам мирот и ги полнам батериите. “

Ни ја раскажа и кратката приказна за почетоците во музиката.. Моите родители уште од мали нозе ја препознале дарбата за музиката во мене, но морам да напоменам дека генот е од мојот татко Сотир Филипоски кој е пејач и гитарист, па така сега јас чекорам по неговите стапки.

Кажи некоја интересна случка поврзана со некој настап? – ,,Секој настап е со различни и интересни случки, искрено во моментов не ми текунва некоја што можам да ја издвојам. ”

Следно, ни раскажа за неговиот настап кој му останал во сеќавање. ,,Имав можност во 2015 година да учествувам на големото музичко шоу “ Пинкове ѕвезде “ и честo да пеам пред големи музички ѕвезди. “

И како последно прашање, кој е твојот предлог за подобрување на културно-забавниот живот во Крушево? – ,,Па мислам дека треба да се организираат настани од секаков вид, кои ќе ги предизвикаат сите генерации, а најчесто помладата генерација која може да биде дел од истите и останатите љубители на градот Крушево. Исто така можам да кажам дека во нашиот град има доста генерации кои во себе носат по некој талент, но претежно е музичкиот талент. “

Му благодариме на Кико за краткото интервју за нашиот вебсајт и му посакуваме многу успех понатаму во музиката.

Тошо Јуца и неговата приказна за музиката.

Тошо Јуца, наш сограѓанин кој се занимава со музика, сподели интересни работи со нас.

Направивме мало интервју со него, па како прво прашање беше поставено: Кога си роден и со што се занимаваш моментално? А тој ни одговори: ,,Роден сум на 8-ми јуни, во не толку далечната 1991год. Моментално работам во приватна фирма, нешто сосема различно од музиката. “

И него го запрашавме од кога се занимава со музика, па како одговор следеше дека- ,,Со музика се занимавам од мојата 13 (тринаесетта) година, првенствено како хоби, а потоа и професионално. “

Каква музика слушаш? – ,,Слушам секаков вид на музика, тоа ми е дел од професијата. Приватно знам да се опуштам со добри “Рок” и “Блуз” класици. “

На тоа зошто се занимаваш со музика ,тој ни’ одговори: ,,Искрено, немам збор со кој би го опишал тоа чувство, пред се за сопственото задоволство, и енергијата која музиката ја пренесува, на другите луѓе, на публиката. Тоа е магија 🙂 “.

Покрај тоа што работи во приватна фирма, тој се уште се занимава со музика, па го прашавме во кој бенд е моментално и во кои други бендови настапувал. –,,Моментално работам со бенд (Артико Бенд), со уште четворица  колеги од Факултетот за музичка уметност во Скопје. Сум бил дел од повеќе бендови и различни состави, генерално локални. “

Дали се’ уште настапуваш со твојот брат или само со бендот?- Не. Моментално функционирам само со бендот.

И тој има свои познати личности, странски и наши кои му служат како инспирација, па тој на тоа прашање ни одговори: ,,Секако дека има. Како инспирација пред се би издвоил еден  фантастичен музичар од нашиве простори, кој ако не Тоше Проески. Од светска сцена Ерик Клептон, БиБи Кинг, Гери Мур..”

На прашањето, кажи нешто интересно за себе, тој се насмеа и рече: ,,Јас сум можеби едниствениот музичар кој, од така наречените “тезги” отишол да студира класична музика, обично тоа оди во обратен правец 🙂 . “

Следно, како започна приказната со музиката, тој одговори дека како главен “виновник” е неговиот татко, уште од мал имал прилика да го слуша како свири и пее низ дома, онака за своја душа, од него го наследив талентот и љубовта кон музиката.

Како интересна случка која би можел да ја одвои и да ни ја каже, Тошо рече дека не би можел да издвои нешто посебно, затоа што секој настап е нова приказна, нови луѓе, а на случките им нема крај.

Кој настап ти останал во сеќавање?- ,,Многу настапи ми останале во сеќавање, од прекрасни луѓе, искуства, дружење. Би ги издвоил настапон со Дарио и Миг 21 на Strumica Open Festival, и турнејата во Полска, со Академијата ЕУРО АРТ од Штип.”

И како последно прашање, кој е твојот предлог за подобрување на културно-забавниот живот во Крушево, тој ни одговори: ,,Ова е малку комплицирано. За да се подигне нивото на културно-забавниот живот, треба време, земајќи предвид каде се наоѓаме сега, тоа е подолг процес. Јас лично би го поздравил подвигот, за едниствениот добар настан што му се случил на Крушево, тоа е “When in Krusevo”. За почеток ни требаат минимум 3-5 настани од ваков карактер, на годишно ниво. “

Му се заблагодаруваме на Тошо за краткото интервју и за неговата љубов кон музиката, па му посакуваме успеси на секое поле во животот и повеќе настапи.

ЕДЕН ОД ОРГАНИЗАТОРИТЕ НА WHEN IN KRUSEVO: Наредното издание на фестивалот ќе биде најдобро досега

Што за тебе претставува When in Krusevo?

Како еден од организаторите на “outdoor” фестивалот  “When in Krusevo” во соработка со неколку другари, добивме идеја да ја промовираме алтернативната страна на нашиот град. Иако започнавме многу скромно, сепак во 2017 година остваривме една успешна приказна со околу 200 пријавени учесници и повеќе од 1.000 посетители. Како изминуваше времето, фестивалот добиваше сè поголема поддршка и сè повеќе учесници и посетители. Денес броиме веќе 5 успешни изданија (3 летни и две зимски) исполнети со многу љубов, дружење и забава. Учесниците имаа прилика да уживаат во Крушевските убавини преку кампинг зона околу крушевското езеро, велосипедска и планинарска тура низ недопрената крушевска природа, летање со параглајдер, јавање на коњи, кајак, јога, детски игри, посета на крушевски знаменитости и концертни вечери на отворено. Само на последното летно издание нашиот град го посетија над 3000 посетители и над 500 учесници.

Новост во вашиот концепт е зимското издание на When in Krusevo. Кажи ни’, Димитар, нешто повеќе за оваа страна на фестивалот?

Минатата година се одржа и првото зимско издание кое морам да признаам дека ги надмина сите наши очекувања. Тоа не мотивираше оваа година да го одржиме и второто зимско издание When in Krusevo – Winter is here кое ги исполни сите сместувачки капацитети на Крушево. На ова издание имавме над 250 учесници и повеќе од 2.000 посетители на Крушево. Учесниците имаа можност да уживаат во ноќните забави во локалните барови, дневните журки во Ресторан Алто, дегустација на крушевските специјалитети, зимско тандем летање со параглајдер, јавање на коњи, како и рекреативни и професионални планинарски тури низ крушевските убавини.

Која е вашата долгорочна идеја за When in Krusevo? Кои се вашите долгорочни цели и визии?

Нашата идеја за промоција на богатата традиција, култура и природните убавини на Крушево планираме да ја продолжиме и со дополнителни активности на наредниот “When in Krusevo” 2020. Имаме големи амбиции овој фестивал секоја година да биде на едно ниво повисоко од претходниот и секако со тоа да добиеме многу поголема поддршка и поголем број на посетители и учесници во Крушево. Од година во година добиваме навистина сè поголема поддршка најнапред од нашата Општина Крушево, од локалните угостители, локалното населние, но и огромна поддршка од разни институции, фондации и проекти.

Организирате настани кои се дел од туристичката понуда на Крушево, па сигурно имате некоја визија за развој на туризмот и збогатување на туристичката понуда на градот како дестинациа. Можеш да споделиш нешто околу тоа?

Мое мислење е дека локалното население недоволно ги посетува аутдор фестивалите во Крушево, а со тоа недоволно придонесува за поголема популарност на истите. Туристичката понуда на Крушево освен со нашиот фестивал верувам дека дополнително може да се збогати со заедничко вложување не само на Општина Крушево туку и на целото локално население кое со негова искрена дополнителна заложба и идеи може навистина многу да придонесе успешно да се подобри и збогати културната програма, спортските и останати активности во текот на целата година.

Дали туризмот има иднина во Крушево?

Секако дека да. Еден добар пример за подобрување на туризмот и општествената одговорност во Крушево се доста млади ентузијасти како тимот на When in Krusevo, тимот на When in X , Културна Младинска Акција, Крушево Будно, Викенд во Крушево, Црвениот Крст, Вкуси го Крушево (Taste Krusevo), Гитар Фест, Крушевска Жена, основците, средношколците и други. Се надевам дека бројот на сите овие ентузијасти секоја година ќе се зголемува и нашиот град со слога, разбирање и многу љубов не само што ќе ја збогати туристичката понуда, туку и ќе го подобри животниот стандард и квалитетот на живеење.

Разговорот го водеше: Сотир Габелоски