Ете го снегот 😍

Размислував неколку дена да напишам текст со кој ќе го најавиме снегот во Крушево. Барем, нашата временска прогноза така кажуваше. Но, еве, текстот не се склопи ама снегот дојде 😆

Крушево е обелено. Вчера имавме поројни врнежи од снег, кои беа продолжение на претходната ноќ. Денес имаме бели покриви на куќите, обелени дрвја и сонце. Глетката е прекрасна.

Овие фотографии се доволно за да ви го доловиме моменталното расположение во Крушево.

Температурите се се’ уште релативно ниски, но сонцето кое е силно од рано утрово и временската прогноза велат дека ќе имаме загревање наредните денови.

Преку овој пост сакаме да ги известиме нашите следбеници и посетители дека Крушево е речиси целосно исполнето со туристи за Нова година. Ве повикуваме сите Вас да го посетите следниот линк за да ја погледнете листата на сместувачки капацитети.

Ииии, се гледаме во Крушево 😍

Пишува: Сотир Габелоски

Share on:

Дали сте за прошетка во октомври? Место: Крушевско Езеро

Никогаш нема да ви станеме досадни со нашите фотографии и текстови за Крушевско Езеро и околината. Тоа место не’ обзема и во овие есенски денови, час врнежливи, час студени, ама секогаш прекрасно за пешачење.

Пред некој ден направивме одлични фотографии иако времето беше малку тмурно и облачно, а кога времето е такво тогаш боите не се толку живи. Сепак, нашите аматерски фотографии се прекрасни заради убавината на местото, заради неговата живост, заради раздвиженоста која е постојана.

Ајде, погледнете и кажете ни’ што мислите.

Околината не е помалку убава. Затоа викаме дека овој комплекс како целина е навистина здиво одземувачки :D.

И, сега? Дали и вие сте за прошетка на Крушевско Езеро во октомври?

Share on:

Крушево – неисцрпна инспирација

Времето изминатиот викенд беше променливо како никогаш досега, но ако навистина сакате да го восприемете ќе го искористите времето, паметно и максимално.

Денот го започнуваме со првото утринско кафе. Изминатиот викенд ја избравме локацијата хотел Панорам & спа. Вкусно кафе и прекрасен поглед додека чекате дождот да престане. Се надевате упорно на подобрување на временските услови додека гледате во градот кој е постелен под хотелот.

Само што сте тргнале да станете забележувајќи дека дождот спласнал, бранот се засилува повторно и продолжува да врне. Дождот ве обесхрабрува и повторно седите и надежно очекувате подобрување на времето.

Кога времето е добро за шетање Крушевско Езеро е неизбежен дел. Облаците не се обесхрабрувачки. Токму напротив, тие се поле за нови пејзажи.

Првичната желба беше патување со жичарницата, повторно, но несигурните временски услови не‘ повлекоа кон Гумење и Крушевско Езеро.

Направивме неколку одлични фотографии и полека, но сигурно времето се подобри и повторно бевме сведоци на сончевото време и уште поубави погледи.

Крушево е неисцрпна инспирација 🥰

Пишува: Сотир Габелоски

Share on:

Од ски центар до место за сите сезони

Ски центарот Станич навистина прераснува во место за 4 сезони. Ако зимата се качувавме со жичарницата на ноќно скијање, деновиве тоа го правиме за да направиме прошетка, да го пробаме авантуристичкиот парк и остантите искуства на ова место.

Минатиот викенд се упатив кон жичарницата. Информиран бев дека работи и може да се користи од утрото, па се до 16 часот. Купив карта која вклучува користење и на ресторанот на Станич. Навистина, добра понуда!

Возењето со жичарницата е навистина убавина. Ние, крушевчани, жичарницата ја поистоветуваме со зима и ова е ново искуство. Но, навистина доживувањето беше едно од централните овој ден 😀

По симнувањет од жичарница следува спуштање до ресторанот каде што може да се почне со кафе и закуска или пак може да се проба возење со Go – cart или тестирање на авантуристичките способности во авантуристичкиот парк – спуштање на јаже, искачување карпа и друго. Ова место има и кошаркарски терен, така што спортските потреби можат да бидат целосно задоволени.

Мојот престој продолжи со закуска во ресторанот, кратка прошетка и спуштање со жичарницата. Спуштањето е уште поубаво искуство. Додека сте во воздух, но и штом стапнете на земја се чувствувате ослободен, релаксирано, сите мускули ви се разлабавени.

Станич е наше место за било кое време. Секогаш со содржини за да го направат престојот во Крушево поубав. Време е за четири сезонска авантура.

Пишува: Сотир Габелоски

Share on:
Викенд во Крушево

Викенд во Крушево

error

Уживате во нашиот сајт? Споделете да дознаат и другите. :)